Google kompaniyasi Chrome brauzerida foydalanuvchining IP-manzilini yashirish rejimini joriy etishni rejalashtirayotganini ma`lum qildi. IP himoyasi deb nomlangan yangi xususiyat foydalanuvchi maxfiyligini sezilarli darajada yaxshilashi va ularni kuzatishni qiyinlashtirishi kerak.
IP himoyasi xususiyati foydalanuvchi trafigini Google proksi-serverlari orqali yo'naltiradi. Bu foydalanuvchining haqiqiy IP manzilini saytlar va boshqa veb-xizmatlardan yashiradi.
Google yaqin oylarda IP himoyasi funksiyasini sinovdan o‘tkazishni rejalashtirmoqda. U birinchi navbatda AQShdagi cheklangan miqdordagi foydalanuvchilar uchun kelajakdagi Chrome versiyasida (119 dan 125 gacha) mavjud bo'ladi. Kelajakda funksiya asta-sekin boshqa mamlakatlar va mintaqalarga ham kengayadi.
Yangi funksiya Chrome brauzerida sukut boʻyicha yoqiladi. Foydalanuvchilar uni brauzer sozlamalarida o'chirib qo'yishlari mumkin.